Partille kommun

Partille kommune ligg i det svenske lenet (fylket) Västra Götaland, i landskapet Västergötland. Administrasjonssenteret i kommunen ligg i Partille.

Partille kommun
kommune
Kommunevåpen
Land	Sverige
Len	Västra Götalands län
Landskap	Västergötland
Areal	58,98 km²
•  land	56,83 km²
•  vatn	2,15 km²
Folketal	35 488[1]  (2011)
Partille kommun 57.733333333333°N 12.1°E / 57.733333333333; 12.1
Kart som viser Partille kommun. Kart som viser Partille kommun.
Wikimedia Commons: Partille Municipality

Kommunen grensar i vest og nord til Göteborgs kommun, i aust til Lerums kommun og i sør til Härryda kommun, og er hovudsakleg å rekne som ein forstadskommune til Gøteborg. Meir enn tre firepartar av dei yrkesaktive er dagpendlarar ut av kommunen, og flesteparten av dei har arbeidsplassen sin i Gøteborg.

Samferdsle

Gjennom kommunen går i aust-vestleg lei både motorvegen Europaveg 20 på strekninga mellom Gøteborg og Stockholm og jarnbanelina Västra stambanan, som er den sterkt trafikkerte hovudjarnbanelina mellom Gøteborg og Stockholm.

Kommunenamnet

Namnet Partille kan truleg kome av mellomalderordet parthaella, som tyder «den kløyvde bergflata» eller «passet mellom berga».

Partille kyrkje med stopulen (det frittståande klokketårnet) som er avbilda i kommunevåpenet.

Vatnet Kåsjön i Partille er både drikkevasskjelda for kommunen og eit populært badevatn med sandstrand og stupetårn.

Tettstader

Partille kommune har fire tettstader. Folketalet i tabellen er frå 31. desember 2005.

#	Tettstad	Innbyggjarar
1.	Partille	28 648
2.	Öjersjö	2 739
3.	Jonsered	928
4.	Kåhög	825