Patuxent Range

Patuxent Range er ei stor fjellkjede i Pensacolafjella og består av Thomas Hills, Anderson Hills, Mackin Table og ymse nunatakar og ryggar knytte saman av Foundation-straumen, Academybreen og Patuxentstraumen. Ho vart oppdaga og delvis fotografert den 13. januar 1956 under ein flytur over kontinentet under Operasjon Deep Freeze frå McMurdo Sound til Weddellhavet og attende.^[1]

Patuxent Range
fjellkjede
Land	Antarktis
Stad	Coats Land
- koordinatar	84°43′S 64°30′W
Administrert under	Antarktistraktaten
Patuxent Range (Antarktis)

Ho vart namngjeven av Advisory Committee on Antarctic Names (US-ACAN) etter Naval Air Station Patuxent River (ved Cedar Point i Maryland) som ligg på sørsida av munningen av Patuxent River. Fjellkjeda vart kartlagd i detalj av USGS frå landmålingar og flyfoto tekne av U.S. Navy, 1956-66.^[1]

Thomas Hills

Thomas Hills ei fjellrekkje, som strekkjer seg over 27 km mellom Foundationstraumen og MacNamarabreen ved nordenden av Patuxent Range. Dei vart namngjevne av US-ACAN etter forslag frå kaptein Finn Rønne, som var leiar ved Ellsworth-basen, 1957. Charles S. Thomas var marineminister, 1954–57, i løpet av dei første åra av Operasjon Deep Freeze.^[2]

Fjell

• O'Connell Nunatak er ein nunatak på 1210 moh. som står 11 km sør-søraust for Mount Murch sør i Anderson Hills. Han vart namngjeven av US-ACAN etter Richard V. O'Connell, som var seismolog ved Amundsen-Scott-stasjonen, vinteren 1967.^[3]

• Shurley Ridge er ein delvis snødekt rygg som stikk frå sørvestsida av Mackin Table, 10 km søraust for Snake Ridge. Det vart namngjeve av US.ACAN etter Jay T. Shurley, som var biolog ved Amundsen-Scott-stasjonen, sommaren 1966-67.^[4]

• Mount Tolchin på 1730 moh. står 8 km sørvest for Houk Spur heilt sørvest på Mackin Table i sørenden av fjellkjeda. Det vart namngjeve av US-ACAN etter løytnant Sidney Tolchin som var øvstkommanderande på Amundsen-Scott-stasjonen vinteren 1959.^[5]

• Mount Warnke på 915 moh. står 5 km nordaust for Martin Peak i Thomas Hills. Det vart namngjeve av US-ACAN etter Detlef A. Warnke, som var biolog ved Palmer-stasjonen, 1966-67.^[6]

• Mount Yarbrough er eit ryggforma fjell på 865 moh. som ligg 3,2 km sørvest for Nance Ridge i Thomas Hills på nordsida av fjellkjeda. Det vart namngjeve av US-ACAN etter Leonard S. Yarbrough, ein industriingeniør ved Plateau Station, 1965-66.^[7]