Paul Chaffey

Paul André Chaffey (fødd 10. juli 1965) er ein norsk politikar frå Bærum i Akershus. Han var i åtte år stortingsrepresentant for Sosialistisk Venstreparti (SV), melde seg seinare inn i partiet Høgre.

Paul Chaffey
Fødd	10. juli 1965 (60 år) Oslo
Statsborgar av	Noreg
Parti	Sosialistisk Venstreparti (1983; 1997), Høgre (2000)
Yrke	politikar
Utdanna ved	Valler videregående skole
Alle verv	stortingsrepresentant (1989–1993) stortingsrepresentant (1993–1997) statssekretær (2013–2021)

Chaffey var 1988-90 leiar i Sosialistisk Ungdom. I 1989 vart han vald inn i Stortinget frå Akershus som representant for Sosialistisk Venstreparti, attvald 1993. I den fyrste tingbolken var han medlem i Utanriks- og konstitusjonskomiteen, i den andre sekretær i Energi- og miljøkomiteen. Han melde seg ut av SV i 1997.

1998-2001 hadde Chaffey leiande stillingar i Statoil. Frå 2001 til 2013 var han administrerande direktør i Abelia, ei avdeling under Næringslivets Hovedorganisasjon. Perioden 2013-21 var han statssekretær i Kommunal- og moderniseringsdepartementet, eit departement leia høvesvis av Høgre-politikarane Jan Tore Sanner, Monica Mæland og Nikolai Astrup.

Kjelder

• stortinget.no