Paul Jones

Paul Jones (fødd 24. februar 1942 som Paul Pond)^[1] er ein engelsk songar, skodespelar, munnspelspelar, radiopersonlegdom og programleiar på fjernsyn.

Paul Jones
Jones in 1967
Fødd	24. februar 1942 (83 år)
Fødestad	Portsmouth, Gosport
Fødenamn	Paul Pond
Alias	Paul Jones
Opphav	Storbritannia
Aktiv	1960-åra til i dag
Sjanger	Pop, blues
Instrument	vokal, munnspel
Tilknytte artistar	Manfred Mann Eric Clapton's Powerhouse The Blues Band The Manfreds
Plateselskap	Vertigo Records
Verka som	skodespelar, filmskodespelar, songar, programleiar, radioprogramleiar, teaterskodespelar, songar-låtskrivar, fjernsynsskodespelar

Som frontmann i Manfred Mann frå 1963 til 1966 var Paul Jones ein av dei fremste vokalistane i den britiske invasjonen, og song blues, R&B og energirik pop/rock med ei tiltalande blanding av glattheit og sjel.^[2]

Så tidleg som i 1965 spekulerte pressa i om Jones, som var ein den einaste i Manfreds som hadde tenåringsappellen, ville forlate gruppa for ein solokarriere. Jones og gruppa benekta desse rykta ei stund, men Jones leverte inn avskjeden sin seint i 1965, men vart verande med bandet det meste av 1966, medan dei søkte etter ein erstattar. Jones ønskte i tillegg til å starte solokarrieren sin, starte ein karriere som skodespelar og fekk snart ei rolle i kultfilmen Privilege, der han spelte ein popsongar. Jones song òg nokre songar i filmen, mellom anna «Set Me Free», som vart covra av Patti Smith i midten av 1970-åra.

Jones hadde nokre hittar i Storbritannia i 1966 og 1967 med «High Time» og «I've Been a Bad Bad Boy», men solokarrieren hans tok aldri av i USA. Begge desse singlane var glatte poplåtar som fekk han til høyres meir ut som Tom Jones enn del tidlegare Paul Jones. Etter dette hadde ikkje Jones noko vidare suksess i Storbritannia.

Jones skifta fokus frå plateartist til å bli musikalartist, noko han framleis held på med. Han gjekk etter kvart attende til bluesrøtene sine og song i det mindre Blues Band, og deltok på fleire attforeiningar med Manfred Mann. Eit nytt album, Showcase, kom ut i 2001 på Hallmark Records.

Solodiskografi

Album

• My Way (1966)
• Sings Privilege & Others (1967)
• Love Me, Love My Friends (1968)
• Come into My Music Box (1969)
• Crucifix in a Horseshoe (1972)
• Starting All Over Again (2009)

Hitsinglar

• "High Time» (1966) — UK nr. 4^[3]
• "I've Been a Bad, Bad Boy» (1967) — UK nr. 5
• "Thinkin' Ain't for Me» (1967) — UK nr. 32
• "Aquarius» (1969) — UK nr. 45