Per Arne Olsen

Per Arne Lodding Olsen (21. februar 1961–18. november 2022) var ein norsk politikar frå Framstegspartiet. Han vart vald inn på Stortinget frå Vestfold fylke i 2009, var andre nestleiar i partiet og ordførar i Tønsberg kommune frå 2003 til 2009.

Per Arne Olsen
Fødd	21. februar 1961 Tønsberg
Død	18. november 2022 (61 år)
Statsborgar av	Noreg
Parti	Framstegspartiet
Yrke	politikar
Alle verv	vararepresentant til Stortinget (2001–2005) stortingsrepresentant (2009–2013) ordførar i Tønsberg (2003–2009) vararepresentant til Stortinget (2005–2009) statsforvaltar i Vestfold og Telemark (2019–2022) fylkesmann i Vestfold (2016–2018)

Olsen vart i august 2016 statsforvaltar i Vestfold, og frå 1. januar 2019 i det nye fylkesmannsembetet i Vestfold og Telemark fylke.^[1][2]

På Stortinget var Olsen medlem av helse- og omsorgskomiteen og av valkomiteen.

Olsen overtok som andre nestformann i sentralstyret i partiet etter John Alvheim. Han var varamedlem i Kringkastingsrådet frå 1998 til 2009 og medlem i styret for Folketrygdfondet frå 1992 til 2009.

Per Arne Olsen jobba mellom anna som kontorsjef ved hovudkontoret til Framstegspartiet i Oslo og som generalsekretær i Framstegspartiet sin Ungdom.