Pete Carr

Jesse Willard «Pete» Carr (fødd 22. april 1950) er ein USA-amerikansk gitarist. Carr spelte på hitar av Joan Baez, Luther Ingram, Bob Seger, Joe Cocker, Boz Scaggs, Paul Simon, The Staple Singers, Rod Stewart, Barbra Streisand, Wilson Pickett, Hank Williams jr. og mange fleire over dei siste fire tiåra. Han har òg spelt inn og produsert fire soloalbum og var eine halvdelen i duoen LeBlanc and Carr. Carr har spelt mykje ved FAME Recording Studio i Muscle Shoals i Alabama og Muscle Shoals Sound Studio i Sheffield i Alabama. Han var sologitarist i den kjende Muscle Shoals Rhythm Section. Carr er kjend for å vere allsidig og bruke både elektrisk og akustisk gitar innan ei rekkje stilartar som folk, rock, pop, country, blues og soul.

Pete Carr
Carr i 2014
Fødd	22. april 1950 (75 år)
Fødestad	Daytona Beach i Florida i USA
Død	27. juni 2020
Dødsstad	Florence
Fødenamn	Jesse Willard Carr
Opphav	USA
Aktiv	Sidan 1965
Instrument	gitar
Tilknytte artistar	LeBlanc and Carr, Hour Glass, Muscle Shoals Rhythm Section
Verka som	musikar, gitarist, musikkprodusent, komponist

I tillegg har Carr vore lydteknikar og produsent på mange album gjennom åra, og fått fleire Grammy-nominasjonar for dette. I 1974 vart han nominert til to Grammyprisar for Paul Simon-albumet There Goes Rhymin' Simon og i 1981 for Against the Wind av Bob Seger.^[1] I tillegg har Carr produsert Bob Seger sitt Stranger in Town med hitten «Old Time Rock and Roll».

Diskografi

• Not A Word On It (1976)
• Multiple Flash (1978)

Prisvinnande innspelignar Pete Car har spelt på

Songar på toppen av Billboard-lista:

• «If Loving You is Wrong» (1972) av Luther Ingram (R&B) ^[2]
• «Tonight's the Night» (1976–1977) av Rod Stewart^[3]
• «Torn Between Two Lovers» (1977) av Mary MacGregor ^[4]
• «Woman in Love» (1980) av Barbra Streisand.^[5]
• «What Kind of Fool» (1981) av Barbra Streisand.^[4]

Album på toppen av Billboardlista:

• Still Crazy After All These Years (1975) av Paul Simon
• Against the Wind (1980) av Bob Seger
• Guilty (1980) av Barbra Streisand^[6]

Grammy-vinnande album:

• Still Crazy After All These Years (1976) av Paul Simon
• Against the Wind (1980) av Bob Seger (medprodusent og gitar)
• Guilty (1981) av Barbra Streisand^[7]