Pitești

Pitești (/pi'teʃtʲ/) er ein by i Romania som ligg ved elva Argeș. Han er hovudstad og største by i Argeș fylke, og eit viktig handels- og industrisenter, i tillegg til at han har to universitet. Han ligg ved motorveg A1 som går direkte til hovudstaden București og er eit viktig jernbaneknutepunkt med ein rangerstasjon i den nærliggande Bălilești. I byen ligg oljeraffineri Arpechim og eit marknadsføringsenter for bilindustrien, særleg for bilen Dacia.

Pitești
St. Georg-kyrkja i Pitești St. Georg-kyrkja i Pitești
Byvåpenet til Pitești
Plassering
Styresmakter
Land	Romania
Fylke	Argeș
Borgarmeister	Tudor Pendiuc
Geografi
Flatevidd  - By	40,7 km²
Innbyggjarar[1]  - Totalt (2021)    - folketettleik	141 275   3 471,1 /km²
Koordinatar	44°51′38″N 24°52′4″E
Tidssone - Ved sommartid	EET (UTC+2) EEST (UTC+3)
Diverse annan informasjon
Postnummer	110xxx
Retningsnummer (tlf)	+40 02 48
Bilnummer	AG
Nettstad: www.primariapitesti.ro

Området har vore busett sidan førhistorien, men byen vart først nemnd på 1300-talet. Han utvikla seg til ein handelsby nord i Valakia og var ein uformell residens for forskjellige herskarar i Valakia fram til 1700-talet. Frå 1800-talet og fram til mellomkrigstida var han eit viktig politisk senter for Det nasjonale liberale partiet og residens for politikarane i Brătianu-familien. Dei første åra under kommunistregimet var det mykje politisk undertrykking i byen og i Pitești fengsel vart det utført hjernevaskingseksperiment.

Busetnader

Kommunen Pitești innanfor Argeș fylke

Pitești er ein municipiu (større bykommune) med den eine busetnaden:

Busetnad	Folketal 2011[2]	Folketal 2021[1]
Pitești	155 383	141 275

Storbyområde

Det blir arbeidd med å etablere eit storbyområde som er tenkt å omfatte Pitești, bykommunen Ștefănești (oraș) og dei sju mindre kommunane (comună) Albota, Băbana, Bascov, Budeasa, Mărăcineni, Micești og Moșoaia.^[3]