Pitta

Pitta er ei biologisk slekt av fuglar i familien Pittidae som lever i eit belte frå Afrika gjennom India, søraustlege Asia, Ny-Guinea og til Australia. Dette er sky, fargerike fuglar som beitar på skogbotnen. Dei er langbeinte og korthala med avrunda venger.^[1] Begge foreldra tar del i reirbygging, ruging og oppseding av ungane.^[2] Rugetida er rundt 17 dagar, og ungane er nakne og hjelpelause ved klekking.^[2]

Pitta
Grønbrystpitta, Pitta reichenowi og Praktpitta, Pitta angolensis Foto: Illustrasjon Herbert Goodchild, 1903, Public domain
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Underorden:	Tyranni
Familie:	Pittaer Pittidae
Slekt:	Pitta Vieillot, 1816

Ei gruppe av ca. 50 artar neotropiske fuglar, maurpittaer, liknar pittaer med sin hoppande gangart, åtferd i løynd, med lange bein og korte halar.

Artslista

Båvengpitta, Pitta moluccensis,

Foto: JJ Harrison

Slekta Pitta inneheld 14 artar, fordelt frå Afrika til Australia, gjennom sørlege, austlege og søraustlege Asia, Ny-Guinea, og Salomonøyene. Dette var tidlegare den einaste slekta i familien, som då innehelt 31 artar.^[1] Men etter ein studie frå 2006 blei to andre slekter, Erythropitta og Hydrornis, skilde ut, sjølv om alle medlemmer av familien heldt fram å vere kjente som pittaer.^[3]

Slekta Pitta i rekkjefølgje etter Clementslista versjon 6.9 frå august 2014^[4] med norske namn etter Norske navn på verdens fugler.^[5]

• Praktpitta, Pitta angolensis, African Pitta, LC, Vieillot, 1816
• Grønbrystpitta, Pitta reichenowi, Green-breasted Pitta, LC, Madarász, 1901
• Indiapitta, Pitta brachyura, Indian Pitta, LC, Linné, 1766
• Båvengpitta, Pitta moluccensis, Blue-winged Pitta, LC, Müller, 1776
• Nymfepitta, Pitta nympha, Fairy Pitta, VU, Temminck & Schlegel, 1850
• Hettepitta, Pitta sordida, Hooded Pitta, LC, Müller, 1776
• Asurpitta, Pitta steerii, Azure-breasted Pitta, VU, Sharpe, 1876
• Palettpitta, Pitta versicolor, Noisy Pitta, LC, Swainson, 1825
• Kvitbrystpitta, Pitta maxima, Ivory-breasted Pitta, LC, Müller & Schlegel, 1845
• Elegantpitta, Pitta elegans, Elegant Pitta, LC, Temminck, 1836
• Salomonpitta, Pitta anerythra, Black-faced Pitta, VU, Rothschild, 1901
• Mangrovepitta, Pitta megarhyncha, Mangrove Pitta, NT, Schlegel, 1863
• Satengpitta, Pitta superba, Superb Pitta, EN, Rothschild & Hartart, 1914
• Irispitta, Pitta iris, Rainbow Pitta, LC, Gould, 1842