Polmak

Polmak (nordsamisk Buolbmát, finsk Pulmanki) er ei bygd og eit kyrkjesokn i Tana kommune i Finnmark fylke. Polmak var også ein sjølvstendig kommune frå 1903 til 1964, sjå Polmak kommune.

Polmak
stad
Land	Noreg
Fylke	Finnmark
Kommune	Tana
Postnummer	9845 TANA
Preposisjon	i Polmak
Ferdselsårer	895
Polmak 70.069722222222°N 28.011111111111°E / 70.069722222222; 28.011111111111
Wikimedia Commons: Polmak

Bygda

Bygda Polmak ligg på sørsida av Tanaelva, kring ein kilometer austom riksgrensa mot Finland. Tana museum^[1], Polmak tollstad^[2] og Polmak kyrkje ligg her.

Riksveg 895 går gjennom bygda, og om vinteren går det isveg over Tanaelva frå Europaveg 75/Europaveg 6 på nordsida til Polmak.

Kyrkjesoknet

Sirbmá kapell i Sirma.

Foto: kirkenorge.no

Polmak er eit kyrkjesokn i Indre Finnmark prosti i Den norske kyrkja^[3] Soknet femner den sørlege delen av Tana kommune, medan den nordlege delen av kommunen tilsvarar Tana sokn.

Det er to kyrkjer i soknet, Polmak kyrkje frå 1853 i bygda Polmak, og Levajok fjellkyrkje frå 1973. I tillegg ligg Sirbmá kapell frå 1954 i Sirma.

Stadnamnet

Det norske namnet Polmak er ei forvrenging av det nordsamiske namnet Buolbmát. Det samiske namnet er ikkje tolka.^[4]