Portland i Maine

Portland er den største byen i den amerikanske delstaten Maine. Byen ligg ved atlanterhavskysten, i Cumberland County sør i delstaten. Portland er i dag det økonomiske og kulturelle senteret av Maine, og er eit populært turistmål på grunn av det historiske hamneområdet.

Portland
by
Land	USA
Stat	Maine
Fylke	Cumberland
Areal	179,85166 km²
Folketal	68 408  (2020[1])
•  storby	551 740
Portland i Maine 43.66°N 70.255°W / 43.66; -70.255
Wikimedia Commons: Portland, Maine
Nettstad: Offisiell nettstad

Historie

Portland har hatt fleire namn. Urfolka som først budde her kalla staden Machigonne, som tyder 'stor hals'.^[2] Britane som slo seg ned her i 1632 grunnla ein hamneby dei kalla Casco,^[2] seinare, i 1658, Falmouth. Byen blei lagd i ruinar av abenakiarane i 1675, og igjen i 1775 av britane under sjølvstendekrigen.

Ein del av Falmouth kjend som The Neck ('Halsen'), blei bygd ut som hamneområde skild frå resten av byen, og fekk namnet Portland i 1786. Namnet stammar frå Isle of Portland i Dorset i England.^[3] Portland var delstatshovudstad i Maine frå staten blei medlem av USA i 1820 til 1832, då hovudstaden blei flytt til Augusta.

I 1866 brann mykje av Portland ned til grunnen på den amerikanske sjølvstendedagen, 4. juli. Byen blei hovudsakleg bygd opp att i stein- og murbygningar.

Folk frå Portland

• John Neal (1793–1876), forfattar
• Henry Wadsworth Longfellow (1807–1882), diktar og akademikar
• Marie a'Becket (1839–1904), målar
• Hiram Abrams (1878–1926), filmmogul
• Francis Ford (1881-1953), skodespelar og filmregissør
• William Irwin Thompson (1938—2020), sosialfilosof, kulturkritikar og diktar
• Stephen King (f. 1947), forfattar
• Judd Nelson (f. 1959), skodespelar
• John Erik Riley (f. 1970), norsk forfattar

Galleri

• 
  City Hall
• 
  First Parish Church
• 
  Congress Street