Potters Bar

Potters Bar er ein by i Hertfordshire i England, rett nord for London. Han vart grunnlagd på byrjinga av 1200-talet, og var omtrent uforandra inntil 1850-åra, då jernbanen kom til staden.

Potters Bar
by
Land	England
Region	Hertfordshire
Distrikt	Hertsmere
Folketal	22 536
Grunnlagd	1200-talet
Postnummer	EN6
Retningsnummer	0 1707
Potters Bar 51.698°N 0.183°W / 51.698; -0.183
Wikimedia Commons: Potters Bar

Opphavet til namneleddet Potters er usikker, men det er ei utbreidd oppfatning at det var anten eit romersk pottemakeri i nærleiken, eller at det kjem frå slekta Pottere som budde i South Mimms ikkje langt unna. Bar syner truleg til portane mellom soknet South Mimms og soknet Enfield Chase, eller til ei tollgrense på Great North Road.

Dobbel regnboge over Potters Bar.

Foto: Rob Farrow

Great North Road, den eldste hovudvegen mellom London og Nord-England og derfrå vidare til Edinburgh i Skottland var hovudgata (High Street) i Potters Bar. Han heitte tidlegare A1, og fekk så namnet A1000 då A1 vart lagt utanom byen. Potters Bar kan ein òg nå frå kryss 24 på M25.

I 1934 vart byen eit eget distrikt i Middlesex. Då Stor-London vart ein egen region i 1965 vart det meste av Middlesex ein del av det, medan distriktet Potters Bar vart overført til Hertfordshire. I 1974 vart distrikta omorganisert, og byen vart ein del av Hertsmere. Tilknytinga til Stor-London er likevel til stades, då London Underground har ein stasjon der.

Potters Bar jernbanestasjon er den høgastliggande på linja mellom King's Cross stasjon i London og York. Den 10. mai 2002 inntrefte ei alvorleg togulykke der, der sju omkom og 76 vart skadde.