Pyramidetak

Pyramidetak er slike tak på bygningar som er forma som ein regulær pyramide med kvadratisk grunnflate.^[1] Det er ei anna nemning på den typen tak som elles vert kalla telttak, som har ei form som liknar telt med ei einaste, sentralt plassert stong til å halde duken oppe. Nemninga pyramidetak vert helst nytta om dei telttaka som er forma som ein regulær pyramide med kvadratisk grunnflate, altså tak som er konstruerte på den måten at fire einsforma takflater med trekanta form dannar ein spiss. Difor er det bygningar eller bygningsdelar med ei kvadratisk grunnflate som har pyramidetak, til dømes tårn på kyrkjer eller tårn på andre bygningar.

Skisse av pyramidetak, ei form for telttak.

Pyramidetak på Markustårnet i Venezia.

Då nemninga telttak på sett og vis er internasjonal ved å verte nytta på same måte i fleire språk med vedkomande språk sine eigne ord, som til dømes tälttak på svensk, Zeltdach på tysk og tented roof på engelsk, kan det sjå ut til at denne nemninga er i ferd med å erstatte nemninga pyramidetak.

Sjå òg

• Telttak