Rambutan

Rambutan (Nephelium lappaceum) er eit tropisk frukttre i lønnefamilien. Det er eit breikrona tre som blir opptil 15 m høgt.^[1] Det er nært i slekt med dei liknande fruktene litchi, longan og mamoncillo.^[2][3][4]

Rambutan
Rambutan
Status
Status i verda: Livskraftig
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Sapindales
Familie:	Lønnefamilien Sapindaceae
Slekt:	Nephelium
Art:	Rambutan N. lappaceum
Vitskapleg namn
Nephelium lappaceum L., 1767

Rambutan stammar frå Malaysia. Det blir dyrka i heile Søraust-Asia for den velsmakande frukta si, som liknar på litchi. Skalet på frukta er raudt, rosa eller gult med lange hår.^[1] Fruktkjøtet er gjennomskinneleg og kvitleg eller svært lyst rosa på farge.

Namnet «rambutan» er avleidd av malaysisk rambut, som tyder 'hår'.^[2] I Vietnam blir ho kalla chom chom eller vai thieu, på kinesisk shao tzu og på kambodsjansk ser mon eller chle sao mao.^[2]