Red Red Wine

«Red Red Wine» er ein song skriven og opphavleg spelt inn av Neil Diamond. Han har sidan vorte spelt inn av Tony Tribe, Jimmy James & the Vagabonds og mest kjend av den britiske reggaegruppa UB40, som tok songen til toppen av både Billboard Hot 100 i USA og UK Singles Chart. Diamond-versjonen nådde 62. plass på Billboard Hot 100 i 1968. Diamond spelte sidan ein UB40-inspirert versjon av songen på turneane sine. Denne versjonen vart gjeven ut på samleplata The Greatest Hits (1966-1992).

Red Red Wine Singel av Neil Diamond frå albumet Just for You
B-side	«Red Rubber Ball»
Språk	engelsk
Utgjeve	13. april 1968
Sjanger	Pop
Lengd	2:42
Selskap	Bang Records
Komponist	Neil Diamond
Tekstforfattar	Neil Diamond
Låtskrivar(ar)	Neil Diamond
Produsent	Jeff Barry, Ellie Greenwich
Neil Diamond-kronologi
«New Orleans» (1968)	Red Red Wine	«Brooklyn Roads» (1968)

Innhald

Teksten vert sungen frå perspektivet til nokon som meiner at ein berre ved å drikke raudvin kan gløyme smertene sine, familekrangel, arbeidet sitt og ikkje minst ei kvinne som stadig dukkar opp i tankane på han som drikk. Ved å drikke forsvinn smerta og han kjenner seg noko betre, men oppdagar så at den same kvinna som fekk han til å drikke kjem inn i baren og dette får han til kjenne seg enno dårlegare. Etter å ha drikke for mykje snublar han ut på gata der han vert funnen av det som verkar å vere faren som tilbyr han å hjelpe han opp på beina.

Lister

Liste (1968)	Plassering
U.S. Billboard Hot 100	62

UB40-versjonen

Red Red Wine Singel av UB40 frå albumet Labour of Love
B-side	«Sufferin'»
Språk	engelsk
Utgjeve	20. august 1983
Sjanger	Reggae fusion
Lengd	5:21 (1988-versjonen) 3:01 (1983-versjonen)
Selskap	DEP International (UK) A&M (US)
Komponist	Neil Diamond
Tekstforfattar	Neil Diamond
Produsent	UB40, Ray «Pablo» Falconer
UB40-kronologi
«I've Got Mine» (1983)	Red Red Wine	«Please Don't Make Me Cry» (1983)

UB40 sin versjon av songen vart spelt inn for albumet Labour of Love. I følgje bandet kjende dei berre til Tony Tribe-versjonen (og forstod ikkje at låtskrivaren, som berre var omtalt som Diamond, i røynda var Neil Diamond), og versjonen deira har ein lettare reggaestil samanlikna med den mørkare, akustiske balladen til Diamond. UB40-versjonen inneheld eit munnleg vers av UB40-medlemmet Astro, som opnar: «Red Red Wine, you make me feel so fine/You keep me rocking all of the time» — som vart teken bort frå singelen som nådde toppen av lista av Storbritannia i august 1983 og 34. plassen i USA i mars 1984. I 1988 vart songen gjeve ut på ny som singel i USA, denne gongen med Astro-verset, og gjekk heilt til topps på Billboard Hot 100.

Lister (UB40-versjonen)

Liste (1984)	Plassering
Australia (ARIA)[1]	2
Austerrike (Ö3 austerriksk Topp 40)[2]	5
Canada (RPM)	2
Tyskland (Media Control AG)[3]	12
Irland (IRMA)	1
Nederland (Dutch Top 40)[4]	1
New Zealand (RIANZ)[5]	1
Noreg (VG-lista)[6]	10
Sverige (Sverigetopplistan)[7]	14
Sveits (Schweizer Hitparade)[8]	8
Storbritannia (The Official Charts Company)	1
U.S. Billboard Hot 100	34

Liste (1988)	Plassering
U.S. Billboard Hot 100	1

Andre versjonar

Andre artistar som har spelt inn songen er Jimmy James and The Vagabonds (36. plass i Storbritannia i 1967), Tony Tribe (reggae-versjon i 1969, 46. plass i Storbritannia)^[9], Charles Mann (1969), Vic Dana (1970, 74. plass i USA), Roy Drusky (1972, 17. plass på countrylista i USA), The Hobos (2004), Peter Tetteroo, Elan Atias (2001) og Sizzla (2008).