Reidar Jentoft Nilsen

Reidar Jentoft Nilsen (9. september 1947–9. januar 2022) var ein norsk fiskar som var leiar for Norges Fiskarlag 2001–2013 og lokalpolitikar for Arbeidarpartiet frå Hasvik i Finnmark.^[1]

Reidar Jentoft Nilsen
Fødd	9. september 1947
Død	9. januar 2022 (74 år)
Statsborgar av	Noreg

Reidar Nilsen voks opp i Hasvik på Sørøya og drog til sjøs alt som 14-åring med skuleskipet «Gann». Han var utdanna styrmann frå Sjømannskolen i Tromsø og reiste i utanriksfart til han i 1970 vart skipper på eigen reketrålar.^[2] Han var leiar av Norges Fiskarlag frå 2001 til 2013.^[3] Nilsen var styremedlem i Finnmark Fiskarlag i ti år og formann i seks år. Han var også lokalpolitikar og medlem av Hasvik kommunestyre i fem periodar. Nilsen var leiar av pensjonistforeininga i Hasvik og var styremedlem i det lokale samfunnshuset.

Reidar Nilsen omkom i eit forlis på Finnmarkskysten søndag 9 januar 2022, saman med sonen Remi Nilsen. Dei var på veg frå Hasvik til Tanafjorden då fiskebåten deira «Peik» forliste utanfor Gamvik i Finnmark.^{[4][5][6][7][8]}

Nilsen vart utnemnd til æresmedlem av Norges Fiskarlag i 2015.^[5]