Reinert Tønnesson Bergsager

Reinert Tobias Tønnesson Bergsager (1785–4. april 1865) var ein gardbrukar, skipper, skipsreiar og stortingsmann frå Lyngdal i Vest-Agder.

Reinert Tønnesson Bergsager
Fødd	1785 Lyngdal kommune
Død	4. april 1865 (79 år)
Statsborgar av	Noreg
Yrke	bonde, reiar, politikar
Alle verv	vararepresentant til Stortinget (1827–1829) stortingsrepresentant (1830–1832) stortingsrepresentant (1833–1835)

Bergsager var son av ein gardbrukar frå Austad sokn i Lyngdal. Sjølv var han i unge år skulehaldar. Sidan var han gardbrukar på Bergsager i Lyngdal, i tillegg skipper og skipsreiar, nokre år dreiv han også eit gjestgjeveri.

Han møtte på omframstortinget 1828 som 1. varamann frå Lister og Mandals amt, i staden for Ole Olsson Øveland. Til stortinga 1830 og 1833 var han 2. representant frå same valkrinsen, begge gongane medlem av tollkomiteen.

Han døydde på garden sin i Lyngdal i 1865.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Reinert Tønnesson Bergsager NSD Norsk senter for forskningsdatas politikararkiv