Reinunga haldeplass

Reinunga haldeplass ligg i nærleiken av der Kjosfossen stuper ned i Flåmsdalen frå Reinungavatnet i Aurland kommune, og er ein haldeplass på Flåmsbana. Haldeplassen vart opna i 1942 då det vart starta ordinær persontrafikk på bana.^[1] Det er ein del hytter ved Reinungavatnet, og reisande til og frå dei har nytte av haldeplassen. Reinunga ligg på 767 moh, 2,20 kilometers køyring frå Myrdal stasjon og 18,00 kilometer frå Flåm stasjon.^[2] Som reisande frå Myrdal er Vatnahalsen haldeplass førre stasjon og Kjosfossen haldeplass neste. I luftline ligg haldeplassen berre vel 400 meter frå Kjosfossen haldeplass, men køyrelengda mellom dei to er 2,20 kilometer for å klare høgdeforskjelen på 97 meter.

Sporet går i ei stor u-forma slynge mellom Vatnahalsen haldeplass og Reinunga.

Foto: Anders Beer Wilse 1939

Skinnegangen i nærleiken av Reinunga haldeplass. I bakgrunnen ser ein hytter ved Reinungavatnet og demninga i enden av vatnet.

Foto: Jun Kwang Han

Reinunga haldeplass
Stasjonsområde
Stad	Reinunga
Koordinatar	60°44′38″N 7°8′20″E
Distanse	338,00 km frå Oslo
Høgd	767,0 moh.
Opna	1942
Linjer og rutedrift
Linje(r)	Flåmsbana
Eigar(ar)	Jernbaneverket
Overgang
Reinunga haldeplass

Haldeplassen heitte fram til 1977 Kjosfoss, men namnet vart då bytt til Reinunga samstundes med at neste haldeplass mot Flåm bytte namn frå Kjosfossen kraftstasjon til Kjosfossen.^[3]