Rev

Revar (Vulpini) er altetande landlevande rovdyr i hundefamilien. Revane er inga systematisk gruppe, men er sett saman av fleire liknande hundedyr.

For andre tydingar av oppslagsordet, sjå rev i sjø.

Rev
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Overfamilie:	Canoidea
Familie:	Hundefamilien Canidae
Stamme:	Rev Vulpini Hemprich & Ehrenberg, 1832

Det finst ulike reveartar i nær alle verdsdelane. Den best kjende reven i Noreg er raudrev, men det finst òg ei mindre gruppe fjellrev i landet.

Skildring

Revar er mindre enn dei fleste andre hundedyra, med ein storleik typisk lik den til ein huskatt. Dei lever som regel åleine innanfor strengt oppdelte territorie, og held til i revehi. Dei kan bli 10–12 år, men dette er uvanleg i naturen.

Kultur

Revar blir gjerne rekna som slu og smarte dyr. Han er kjend som den lure vennen til den dumme bjørnen i norsk folkedikting, og som lurefiguren Reynard i fleire europeiske tradisjonar.

Eit stjernebilde på den nordlege himmelhalvkula er kalla reven.

Slekter

• Vulpes
• Alopex
• Fennecus
• Urocyon
• Lycalopex
• Pseudalopex
• Dusicyon
• Cerdocyon

Kjelder

• Denne artikkelen bygger på «Fox» frå Wikipedia på engelsk, og «Ræv» frå Wikipedia på dansk den 2. januar 2006.

Bakgrunnsstoff

Commons har multimedium som gjeld: Rev