Ribbemaneter

Ribbemaneter eller kammaneter (Ctenophora) er ei gruppe radiærsymmetriske dyr som lever i hava rundt om i verda. I lag med nesledyra, som dei er nært skylde, vert dei rekna som dei mest primitive sanne dyra.

Ribbemaneter
Systematikk
Rike:	Dyr Animalia
Underrike:	Eumetazoa
Rekkje:	Ribbemaneter Ctenophora Eschscholtz, 1829

Ribbemanetene er planktoniske, frittlevande og stort sett pelagiske. Dei har som oftast ei krukke- eller eggforma og geléaktig manetform, og er vanlegvis særs skjøre.

Den fyrste sekvenseringa av genomet til ein ribbemanet, Mnemiopsis leidyi, vart publisert i 2013.^[1]

I Noreg er vanlege artar sjøstikkelsbær, lobekammanet og agurkkammanet.