Richard Chelimo

Richard Chelimo (21. april 1972–15. august 2001) var ein kenyansk langdistanseløpar som vann ein OL-medalje og to VM-medaljar på 10 000 meter. Han var bror til Ismael Kirui.

Richard Chelimo
Statsborgarskap	Kenya
Fødd	21. april 1972 Eldoret
Død	15. august 2001 (29 år) Eldoret
Idrett	friidrett
Tok del i	Sommar-OL 1992

Chelimo fekk sølvmedaljen på 10 000 m under VM i friidrett 1991, slått i spurten av landsmannen Moses Tanui. Året etter vart Chelimo andremann i milløpet då Sommar-OL 1992 fann stad i spanske Barcelona. I dette løpet meinte publikum Chelimo vart hindra av ein marokkansk løpar, til fordel for marokkanaren Khalid Skah som spurta frå Chelimo på oppløpssida. Skah vart i fyrste omgang diskvalifisert, men tilkjend gullmedaljen dagen etter løpet.

5. juli 1993 sette Chelimo verdsrekord på 10 000 meter i eit stemne på Stockholm stadion. Rekordtida 27.07,9 stod seg i berre fem dagar, etter som landsmannen Yobes Ondieki vart fyrstemann under 27 minutt på mila. Under VM i friidrett 1993 sprang Chelimo inn til bronsemedalje på mila, borti 20 sekund bakom Etiopias Haile Gebrselassie og nemnde Moses Tanui.

Chelimo døydde av ein hjernesvulst, 29 år gammal.

Kjelder

• Denne artikkelen bygger på «Richard Chelimo» frå Wikipedia på engelsk, den 14. juni 2022.