Riksantikvaren

Riksantikvaren – direktoratet for kulturminneforvaltning er fagleg rådgjevar i utviklinga av den statlege kulturminnepolitikken, og arbeider for at viktige kulturminne, kulturmiljø og landskap blir tekne vare på. Direktoratet ligg under Klima- og miljødepartementet. Riksantikvaren har ansvar for at den statlege kulturminnepolitikken blir gjennomført og har eit overordna fagleg ansvar for fylkeskommunene og Sametingets arbeid med kulturminne, kulturmiljø og landskap.

Riksantikvaren
Type	Direktorat
Org.nummer	974 760 819
Skipa	1912[1]
Hovudkontor	Dronningens gate 13, Oslo
Riksantikvar	Hanna Geiran
Verkeområde	Noreg
Tilsette	147 (2013)[2]
Eigarskap	Klima- og miljødepartementet
Nettstad	https://www.riksantikvaren.no

Historie

Riksantikvaren vart skipa i 1912 som offentleg embete etter initiativ av Foreningen til norske Fortidsminnesmerkers Bevaring for å ha oppsyn med ivaretakinga og restaureringa av kunstnerisk og historisk verdfulle gamle bygningar som ikkje var underlagt eit museum. Då Harry Fett var riksantikvar, vart etaten bygd ut til eit vidfemnande institutt for vern og forsking. Riksantikvaren vart underlagd Miljøverndepartementet frå 1973, og fekk direktoratstatus i 1988.

Organisering

Biblioteket hjå Riksantikvaren.

Foto: Eva Eide

Direktoratet har om lag 160 tilsette, med kontor i Dronningens gate 13 i Oslo. Det er òg distriktskontor i Bergen, Tønsberg og Trondheim.

Riksantikvaren har fire avdelingar:

• Organisasjonsavdeling
• Kulturminneavdeling
• Avdeling for kunnskapsutvikling
• Samfunnsavdeling

Riksantikvaren har òg eit spesialbibliotek for kulturminnevern.

Riksantikvarens arkiv har mellom anna mange teikningar og fotografi som baserere seg på Fortidsminneforeingas samling av dokumentasjon frå kulturminnnevernets pionertid.

Oppgåver

Riksantikvaren har det overordna faglege ansvaret for kulutrminneforvaltninga og fungerer som rådgjevar for Klima-og miljødepartementet.

Bevaringsprogrammer

Riksantikvaren har ti bevaringsprogam for å sikre, setje i stand og kartleggje tilstanden til kulturminne. Dei ti programma er:

• Freda bygningar i privat eige
• Samiske kulturminne
• Stavkyrkjene
• Verdsarven
• Tekniske og industrielle kulturminne
• Brannsikring av tette trehusmiljø og stavkyrkjer
• Fartøy
• Ruinar
• Bergkunst
• Utvalde arkeologiske kulturminne

Liste over riksantikvarar

• 1912–1913: Herman Major Schirmer
• 1913–1946: Harry Fett
• 1946–1958: Arne Nygård-Nilssen
• 1958–1977: Roar Hauglid
• 1978–1991: Stephan Tschudi-Madsen
• 1991–1997: Øivind Lunde
• 1997–2009: Nils Marstein
• 2009–2009: Sjur Helseth (konstituert frå 20. august til 22. oktober)
• 2009–2018: Jørn Holme
• 2018– : Hanna Geiran