Roger Staub

Roger Staub (1. juli 1936–30. juni 1974) var ein sveitsisk skirennar som vart olympisk meister i storslalåm under Vinter-OL 1960. Han var frå Arosa i kantonen Graubünden.

Roger Staub
Statsborgarskap	Sveits
Fødd	1. juli 1936 Arosa
Død	30. juni 1974 (37 år) Verbier
Idrett	alpint
Tok del i	Vinter-OL 1956, alpine skiing at the 1960 Winter Olympics – men's giant slalom

Aktiv

Staub debuterte i internasjonale meisterskap under vinter-OL 1956 i Cortina d'Ampezzo med ein fjerdeplass i utfor. Under VM i alpine greiner 1958 i Bad Gastein vann han sølvmedaljen i utfor, kom på delt bronseplass med franske François Bonlieu storslalåm og vart nummer fem i slalåm. Også i den alpine kombinasjonen(slalåm/utfor) kom han på tredjeplass.

Høgdepunktet som alpinist kom under vinter-OL 1960 i Squaw Valley i USA, då Staub vart olympisk meister i storslalåm, fire tidels sekund føre Pepi Stiegler frå Austerrike. I utfortevlinga kom han på femteplass. Han la opp som aktiv skirennar i 1961.

Staub omkom i 1974 under hanggliding i Verbier.

Bakgrunnsstoff

• (en) Roger Staub – Profil og resultatoversikt hos FIS

• Denne artikkelen bygger på «Roger Staub» frå Wikipedia på tysk, den 23. januar 2012.