Rolling Stone av Suzi Quatro

«Rolling Stone» er debutsingelen til Suzi Quatro som soloartist, gjeven ut i 1972. Namnet hennar vart feilstava Susie Quatro på det første trykket. Singelen vart ikkje ein suksess, utanom i Portugal, der han gjekk til topps på singellista.^[1]

Rolling Stone Singel av Suzi Quatro
B-side	Brain Confusion (For All the Lonely People)
Utgjeve	1972
Sjanger	rock
Selskap	RAK
Låtskrivar(ar)	Phil Dennys Errol Brown Suzi Quatro
Produsent	Mickie Most
Suzi Quatro-kronologi
	Rolling Stone	«Can the Can» (1973)

Bakgrunn

Det var den første solosingelen til Qustro og kom ut etter ho flytta frå USA til Storbritannia. I USA hadde ho alt gjeve ut to singlar med kvinnegruppa The Pleasure Seekers.^[2]

B-side, «Brain Confusion (For All the Lonely People)», var skriven av Quatro og vart opphavleg spelt inn medan ho var ein del av The Pleasure Seekers.^[3] The Pleasure Seekers vart til Cradle. Då Mickie Most såg Quatro framføre songen med Cradle valde han å signere ho som soloartist. Versjonen av songen på denne singelen er ei nyinnspeling med Quatro og studiomusikarar.^[4]

Songen «Rolling Stone» vart opphavleg skriven av Phil Dennys, som laga arrangement for bandet Jade. Teksten vart omskriven av Hot Chocolate-frontmannen Errol Brown (og Quatro sjølv, men det var ikkje oppført) slik at dei passa betre for Quatro.^[1]

Medverkande

• Suzi Quatro – bass, solovokal
• Peter Frampton – gitar
• Micky Waller – trommer
• Errol Brown – korvokal