Ruter AS

Ruter AS er eit selskap som står for adminstrasjonen av kollektivtrafikken i Oslo og Akershus. Selskapet er eigd av Oslo kommune med 60 % og Akershus fylkeskommune med 40 %.

Ruter AS
Org.form	Aksjeselskap
Org.nr.	991609407
Bransje	Kollektivtransport, kollektivtransportforvaltar
Skipa	14. august 2007
Forgjengar(ar)	Stor-Oslo Lokaltrafikk
Eigar	Oslo kommune, Akershus fylke, Viken fylke, Akershus fylke
Hovudkontor	Oslo
Land	Noreg
Styreleiar	Sigurd Grytten (7. juni 2018)[1]
Adm.dir.	Bernt Reitan Jenssen
Nettstad	https://ruter.no/

Passasjerferje i Indre Oslofjord i rute mellom Aker brygge i Oslo og Nesoddtangen i Nesodden kommune i Akershus fylke.

Rutebåt i fart mellom Vippetangen i Oslo hamn og dei veglause øyane i Oslo, mellom andre Hovedøya.

Volvo 7700 hybridbuss, Kjelsås, Oslo, linje 54.

Ruter AS fastsett takstar og rutetilbod for T-bane, trikk, buss og passasjerferjer i dette området, og tingar deretter kollektivtenestene frå dei ulike operatørselskapa. For buss og båt vert kontraktane tildelt etter anbodskonkurransar, og for T-bane og trikk ved årlege kontraktar med Oslo T-banedrift AS, Oslotrikken AS og Oslo Vognselskap AS etter tingingar. Ruter AS har òg å gjere med dei investeringar og dei pengestraumane i kollektivtrafikken som vert stilt til disposisjon gjennom Oslo kommune og Akershus fylkeskommune.

Takstane for passasjertrafikken på jarnbanene i Oslo og Akershus går inn under takstsystemet til Ruter AS, men det er Noregs statsbaner som står for drifta av toga på oppdrag frå Samferdsledepartementet.