Sélestat

Sélestat (tysk Schlettstadt) er ein by og kommune nordaust i Frankrike. Han er sous-préfecture (underprefektur) i departementet Bas-Rhin i regionen Grand Est, og har om lag 17 000 innbyggjarar.

Sélestat
Klokketårnet og andre bygningar i Sélestat Klokketårnet og andre bygningar i Sélestat
Land Region Departement	Frankrike Grand Est Bas-Rhin
Flatevidd	44,4 km²
Flatevidd  - By	44,45 km²
Innbyggjarar  • By (1999)    - folketettleik	17 179   386/km²
Koordinatar	48°16′N 07°27′E
Høgd	173 m
Tidssone - Ved sommartid	CET (UTC+1) UTC+2 (UTC)
Postnummer	67600
Nettstad: www.ville-selestat.fr

Geografi

Sélestat ligg sentralt i Alsace, 22 km nord for Colmar og 47 km sør for Strasbourg, ved den venstre breidda til elva Ill. Byen er rekna som eit kulturelt sentrum for området, med fleire gamle bygningar, som kyrkjene Sainte-Foy i romansk stil og Saint-Georges i gotisk stil, eit klokketårn frå 1618 i barokk og eit vasstårn i ny-mellomaldersk stil. Andre interessante bygg er rådhuset frå 1788, jernbanestasjonen frå 1880-åra og synagogen frå 1890-åra, i tillegg til fleire bygg frå renessansen og barokken.

Verdsarvstaden Det humanistiske biblioteket er likevel den viktigaste institusjonen i byen. Biblioteket blei grunnlagd med boksamlinga til humanisten Beatus Rhenanus (d. 1547), og omfattar fleire manuskript frå mellomalderen og renessansen.

Byen er også hovudsete for samtidskunstorganisasjonen Fonds régional d'art contemporain Alsace (FRAC Alsace) og arkeologiorganisasjonen Pôle d'archéologie interdépartemental rhénan. Sélestat ligg nær vinområdet Alsace og andre kjende stader som Château du Haut-Kœnigsbourg.

Kjelder

• Histoire de la Bibliothèque Humaniste et de ses collections (suite) Arkivert 2014-06-28 ved Wayback Machine., bh-selestat.fr
• Denne artikkelen bygger på «Sélestat» frå Wikipedia på engelsk, den 25. mai 2014.

Bakgrunnsstoff

Commons har multimedium som gjeld: Sélestat

• Offisiell nettstad