Bolzano-provinsen

Provinsen Bolzano, stundom kalla Alto Adige eller Sør-Tyrol (italiensk Provincia autonoma di Bolzano; tysk Autonome Provinz Bozen; ladinsk Provinzia autonòma de Balsan), er ein av to autonome provinsar i regionen Trentino-Alto Adige i Italia. Hovudstaden er byen Bolzano. Han har eit areal på 7 400 km² og totalt 487 673 innbyggjarar (2006). Det er 116 kommunar i provinsen.

Provinsen Bolzano
provins
Symbol
Land	Italia
Region	Trentino-Alto Adige
Hovudstad	Bolzano
Areal	7 400 km²
Folketal	531 178 (31. desember 2018)[1]
Retningsnummer	0471, 0472, 0473, 0474
Bilnummer	BZ
Provinsen Bolzano 46.50000001°N 11.33333334°E / 46.50000001; 11.33333334
Kart som viser Bolzano-provinsen. Kart som viser Bolzano-provinsen.
Wikimedia Commons: South Tyrol

Regionen er kjend for fjella sine, som Dolomittane, som utgjer ein stor del av dei sørlege Alpane.

Geografi

Provinsen Bolzano ligg heilt nord i Italia og grensar til Austerrike i aust og i nord og til Sveits i vest. Dei italienske provinsane Belluno, Trento og Sondrio ligg høvesvis i søraust, sør og sørvest.

Fjell

Sciliar

Fjella dominerer landskapet og dei fleste av desse høyrer til Alpane. Den mindre gruppa Ortleralpane vert rekna som sentrum av dei italienske Alpane. Her finn ein fjellet Ortler, med ei høgd på 3 905 meter over havet. Dolomittane er ei anna fjellkjede i provinsen. Fjellet Sciliar (2 563 moh.) er ein del av denne fjellkjeda.

Andre fjell i provinsen er

• Catinaccio
• Latemar
• Tre Cime di Lavaredo
• Zainggerberg

Administrasjon

Største kommunane i provinsen

Tysk namn	Italiensk nam	Ladinsk namn	Innbyggartal
Bozen	Bolzano	Balsan, Bulsan	103 135
Meran	Merano	Maran	37 673
Brixen	Bressanone	Persenon, Porsenù	20 512
Leifers	Laives		16 964
Bruneck	Brunico	Bornech, Burnech	15 370
Eppan	Appiano sulla Strada del Vino		14 013
Lana	Lana		11 120

Historie

Provinsen Bolzano vart oppretta i 1919 etter at området vart annektert av Italia. Det var tidlegare ein del av Tyrol i Austerrike-Ungarn. Området fekk ein autonom status etter den andre verdskrigen slik at det i dag stort sett er sjølvstyrt.^[2]