Sajur

Sājūr (arabisk نهر الساجور) er ei 108 km lang elv som spring ut i Tyrkia og som munnar ut i Eufrat i Syria. Ho er den minste av dei tre elvane som munnar ut i Eufrat i Syria, og den einaste sideelva til Eufrat frå høgre. Det har budd folk kring Sajur sidan eldre steinalder.

Denne artikkelen handlar om elva i Tyrkia og Syria. For kommunen i Israel, sjå Sajur i Israel.

Sājūr
elv
Land	Tyrkia,  Syria
Nedslagsfelt	2 042 km²
Byar	Gaziantep
Lengd	108 km
Vassføring
•  middel	4,1 m³/s
•  maks	7 m³/s
•  min	1,4 m³/s
Munning	Eufrat
- koordinatar	36°39′35″N 38°04′14″E
Sajur 36.65972222°N 38.07055556°E / 36.65972222; 38.07055556
Kart over den syrisk-tyrkiske delen av Eufrat med Sājūr (Sajour) til venstre Kart over den syrisk-tyrkiske delen av Eufrat med Sājūr (Sajour) til venstre

Sājūr er 108 km lang og 60 km av dette er i Tyrkia.^[1] Ho har to kjeldeelvar som renn saman sør for Gaziantep. Frå der renn Sājūr søraustover til ho kryssar grensa til Syria. Elva renn så om lag austover til ho munnar ut i Eufrat på høgresida i området som i dag er reservoaret danna av Tishrindemninga.^[2] I Syria skjer elva seg gjennom ein dal på Manbijsletta mellom 20 og 100 meter djup, og opp mot 500 meter brei.^[3] Middelvassføringa er kring 4 kubikkmeter per sekund, men i februar og mars kan dette auke til 7 kubikkmeter per sekund.