Saltfjellet-Svartisen nasjonalpark

Saltfjellet-Svartisen nasjonalpark er ein nasjonalpark som vart oppretta i 1989.

Saltfjellet-Svartisen nasjonalpark
nasjonalpark
Land	Noreg
Fylke	Nordland
Kommunar	Rana, Rødøy, Meløy, Beiarn, Saltdal
Areal	2 102 km²
Oppretta	8. september 1989
Tilknytte verneområde	Saltfjellet, Gåsvatnan, Storlia, Semska-Stødi
Saltfjellet-Svartisen nasjonalpark 66.6°N 14.183333333333°E / 66.6; 14.183333333333
Wikimedia Commons: Saltfjellet-Svartisen nasjonalpark

Saltfjellet–Svartisen er kanskje den mest variasjonsrike nasjonalparken i Noreg. Frå den ville Nordfjorden i vest strekker parken seg via høge fjell og evig is til frodige fjellbjørkedalar med stilleflytande elvar. Parken har òg mange samiske kulturminne.

Plassering

Nasjonalparken ligg i Beiarn, Meløy, Rana, Rødøy, Saltdal og Bodø kommunar i Nordland fylke. Det samla arealet i nasjonalparken er om lag 2102 km². Isbreen Svartisen er ein del av parken.

Verneformål

Formålet med nasjonalparken er:

• å ta vare på eit vakkert og nært urørt fjellområde med sitt plante- og dyreliv og sine geologiske førekomstar.
• I tillegg skal nasjonalparken saman med Gåsvatnan og Saltfjellet landskapsvernområde og Storlia naturreservat ta vare på eit samanhengande naturområde med mange samiske og andre kulturminne.
• å gje folk høve til naturopplevingar i området.

Bruk av nasjonalparken

Tradisjonell reindrift er tillate, og gjerde for husdyrbeite kan haldast ved like. Fylkesmannen kan gi løyve til merking av stiar og legging av kloppar.

Bakgrunnsstoff

• Direktoratet for naturforvalting, informasjon om Saltfjellet-Svartisen nasjonalpark. Arkivert 2007-09-30 ved Wayback Machine.
• PDF-kart Arkivert 2007-03-01 ved Wayback Machine.
• DNT - turplanleggar Arkivert 2006-12-30 ved Wayback Machine.