Saturday Gigs

«Saturday Gigs» er ein song av det britiske rockebandet Mott the Hoople, skriven av Ian Hunter. Han kom ut på singel i oktober 1974.

Saturday Gigs Singel av Mott the Hoople
B-side	Medley: Jerkin' Crocus/Sucker/Violence
Utgjeve	Oktober 1974
Innspelt	1974
Sjanger	Glamrock
Lengd	4:20
Selskap	Columbia Records
Låtskrivar(ar)	Ian Hunter[1]
Produsent	Mott the Hoople
Mott the Hoople-kronologi
«Foxy, Foxy» (1974)	Saturday Gigs	«Drive On» (1975)

Bakgrunn

Dette var den siste studioinnspelinga til gruppa før Ian Hunter slutta og gruppa vart til «Mott». Gitaristen Ariel Bender vart erstatta av Mick Ronson under produksjonen av singelen og det var den einaste gongen Ronson offisielt spelte på ei Mott the Hoople-innspeling. Eit anna spor, «Lounge Lizard», vart spelt inn som ei planlagd B-side, men vart ikkje nytta. Songen vart sidan gjeven ut som bonusspor på CD-utgåva av The Hoople i 2006.

Salslister

Singelen nådde 41. plassen på UK Singles Chart.^[2]