Sdot Yam

Sdot Yam (hebraisk skrift שְׂדוֹת יָם, tyder Sjøslettene) er ein kibbutz i Haifa distrikt i Israel ved kysten av Middelhavet.

Sdote Yame
landsby
Land	Israel
Region	Sharonsletta
Distrikt	Haifa distrikt
Koordinatar	32°29′27″N 34°53′34″E
Folketal	1 096 (2019)[1]
Grunnlagd	1936 (i Kerayot), 1940 (noverande plassering)
•  Grunnlagd av	= Speidarar
Tilhøyrsle	Kibbutzrørsla
Sdot Yam 32.490697222222°N 34.892897222222°E / 32.490697222222; 34.892897222222
Kart som viser Sdot Yam. Kart som viser Sdot Yam.
Wikimedia Commons: Sdot Yam
Nettstad: www.sdot-yam.org.il

Han vart grunnlagd i 1936 og flytta til den noverande staden på sørsida av den gamle byen og dei arkeologiske ruinane av Caesarea, i 1940. Kibbutzen høyrer til Hof HaCarmel regionale kommune, og hadde eit folketal på 682 i 2006.

Historie

Dahn Ben-Amotz i Sdot Yam, 1946.

Sdot Yam vart grunnlagd i 1936, i regionen Krayot, like sør for Haifa. Han vart grunnlagd etter ønske frå David Ben-Gurion i tida då britane nekta jødar å kome inn i Palestina. Samfunnet baserte seg tilsynelatande på fiske, men var i røynda ein base for Palyam for å smugle inn ulovlege emigrantar.

I 1940 vart kibbutzen flytta til den noverande staden sør for Caesarea. Dei nye innbyggjarane var ein gar'in frå Mahanot HaOlim ungdomsgruppe.

Økonomi

Kibbutzen baserte seg opphavleg på fiskeri, men heller i dag meir mot jordbruk. Her er det banan-plantasjar, avokadotre og mjølkekyr. Den største arbeidsgjevaren i kibbutzen er Caesarstone Sdot-Yam Ltd..

Turisme er òg ei stor næring i kibbutzen.