Sebastian Rejman

Sebastian Rejman (fødd 13. januar 1978 i Helsingfors i Finland) er ein finsk musikar, skodespelar og programleiar.^[1] Han er gitarist, vokalist og låtskrivar i det finske bandet The Giant Leap.^[2] Han er òg grunnleggjar av bandet Sebastian & The 4th Line Band, og han representerte Finland i Eurovision Song Contest 2019 med låten «Look Away» saman med Darude.^[3]

Sebastian Rejman
Fødd	13. januar 1978 (47 år)
Fødestad	Berghäll
Opphav	Finland
Aktiv	2005–
Sjanger	pop
Instrument	vokal
Verka som	gitarist, songar, skodespelar, komponist

Bakgrunn

Rejman kjem frå Kallio i Helsingfors og byrja å spela gitar og synga som 14-åring. Hans musikalske forbilete er Elvis Presley og Bruce Springsteen.

Rejman er kjend som frontfigur og låtskrivar i bandet The Giant Leap og har hatt fleire framsyningar på finsk fjernsyn. I 2010 var han leiar for eit av deltakarkora i den finske versjonen av Det store korslaget, og i 2012 var han programleiar for den fjerde sesongen av Talent Suomi og han var reporter for The Voice of Finland.

Rejman har òg spela i spelefilmar som Siskonpeti (2014), 95 (2017) Sjette gang (2017)^[4] og rolla som Jesse Adlercreuz i tv-serien Syke (2014–2017).^[5] Rejman representerte Finland i Eurovision Song Contest i Tel Aviv i mai 2019, saman med Darude.^[6][7] Duoen deltok med låten «Look Away», men vart slått ut i semifinalen 14. mai.^[8]