See My Baby Jive

«See My Baby Jive» er ein song frå 1973 av det britiske glamrockbandet Wizzard.

See My Baby Jive Singel av Wizzard frå albumet Wizzard Brew
B-side	«Bend Over Beethoven»[1]
Utgjeve	6. april 1973[1]
Innspelt	1973
Sjanger	Glamrock[2]
Lengd	5:00
Selskap	Harvest[1]
Låtskrivar(ar)	Roy Wood[1]
Produsent	Roy Wood[1]
Wizzard-kronologi
«Ball Park Incident» (1972)	See My Baby Jive	«Angel Fingers» (1973)

Songen er skriven og produsert av Roy Wood og var den andre singelen til bandet til Wood, og den første som nådde toppen på UK Singles Chart. Han låg fire veker på toppen av lista i mai og juni 1973.^[3] Han nådde òg toppen av den irske IRMA-lista^[4] og femteplassen på den tyske singellista. Songen nådde 12. plassen i Australia.^[5] På etiketten på singelen stod det «Korvokal - The Suedettes».^[6] Singelen var den sjette bestseljande singelen i Storbritannia i 1973.^[7]

ABBA sa seinare at songen var ein stor inspirasjon då dei skreiv sin første store, internasjonale hit, «Waterloo» året etter.^[8][9] Ein coverversjon av Flash Cadillac & the Continental Kids kom ut i 1977.^[10]

Medverkande

• Roy Wood – vokal, elektrisk og akustisk gitar, sitar, cello, fagott, barytonsaksofon, kontrabass, basstuba, trombone, blokkfløyter, perkusjon
• Rick Price – bassgitar, vokal, perkusjon
• Bill Hunt – piano, cembalo, valthorn, trompet, tenorhorn, signalhorn, eufonium , tuba, lite glass, korvokal
• Hugh 'H' McDowell – cello og ARP-synthesiser
• Nick Pentelow – tenorsaksofon, klarinett & fløyte; bass korvokal
• Mike Burney – saksofon, klarinett & fløyte
• Keith Smart – trommer
• Charlie Grima – trommer, conga, perkusjon

Salslister

Liste (1973)	Plassering
Australian Singles Chart	12
Den austerrikske singellista	20
Irish Singles Chart	1
Den nederlandske singellista	11
Den tyske singellista	5
Den norske VG-lista	9
UK Singles Chart[3]	1