Segura

Segura (latinsk Thader, arabisk War-Alabiat) er ei elv søraust i Spania. Ho er kring 325 km lang.^[1]

Segura
elv
Kjelda til Segura
Land	Spania
Nedslagsfelt	19 525 km²
Lengd	325 km
Vassføring	for Cieza
•  middel	26,3 m³/s
Kjelde	Fuente Segura, Jaén
Munning	Guardamar del Segura, Alicante
Segura 38.096436111111°N 0.67565833333333°W / 38.096436111111; -0.67565833333333
Plasseringa til Segura Plasseringa til Segura
Wikimedia Commons: Segura River

Ho spring ut Sierra de Segura^[1] ved Santiago Pontones (provinsen Jaén), og renn gjennom Calasparra, Cieza, Murcia, Beniaján, Orihuela, Rojales, før ho munnar ut i Middelhavet nær Guardamar del Segura i provinsen Alicante. Somme av sideelvane hennar er Mundo (som startar nær Riópar), Alhárabe (som starta i Moratalla), Mula og Guadalentín.

Segura i Murcia

Segura er vanlegvis delvis tørka inn, men stundom kan kraftig regn føre til flaum, noko som vanlegvis skjer kvart 6. til 9. år, alltid om hausten.

Middelvassføring

Stad	Vassføring
Cenajo	17,1 m³/s
Cieza	26,3 m³/s
Orihuela	5 m³/s
Guardamar del Segura	1 m³/s

På 1900-talet har det vore store flaumar i 1946, 1948, 1973, 1982, 1987 og 1989. Sidan 1990 har dei nedre delane av elva vorte kanaliserte og svingar er fjerna. Dette har ført til betre flaumvern. Kanalen vart sett på prøve i september 1997 og oktober 2000 då kraftig regn førte til stor avrenning.

Flaumar i Murcia og Orihuela

Dato	Murcia	Orihuela
Oktober, 1651	1700 m³/s
Oktober, 1834	1000 m³/s
Oktober, 1879	1890 m³/s
April, 1946	1187 m³/s	1138 m³/s
Oktober, 1948	934 m³/s	1172 m³/s
November, 1987		1000 m³/s

Vega Baja del Segura i Orihuela i Alicante

I den øvre delen av elva er det bygd damanlegg som står for kraftproduksjon. Lenger sør bruker ein elvevatnet til kunstig vatning.^[1]

Elvesletta heiter Vega del Segura og er eit særs frodig jordbruksområde der det vert dyrka mykje frukt, grønsaker og blomar. Området er delt inn i tre, Alta, Media og Baja (øvre, midtre og nedre).

Segura er ei av dei mest forureina elvane i Europa. Dei siste åra har ein derimot drive omfattande vasshandsaming og installert reinseanlegg som har betra tilhøva i elva.