Seil i Skottland

Seil (skotsk-gælisk Saoil) er ei øy i Slate Islands på austsida av Firth of Lorn, 11 km sørvest for Oban i Skottland.

Frå landsbyen Ellenabeich over Easdale Sound til Scarba.

Seil
Geografi
Stad	Atlanterhavet
Koordinatar	56.30°N 5.62°W / 56.30; -5.62
Øygruppe	Indre Hebridane
Areal	13,29 km²
Høgaste punkt	Meall Chaise (146 moh.)
Administrasjon
Land	Skottland
Region	Argyll and Bute
Største busetnad	Ellenabeich
Demografi
Folketal	560 (2001)
Folketettleik	42,1 /km²

Seil har vore landfast til det skotske fastlandet sidan 1792 då Clachan Bridge vart bygt av ingeniør Robert Mylne. Ho vert òg kalla «Brua over Atlanteren» og er framleis i bruk i dag. Tidleg på sommaren er ho dekt av revebjøller.

Den største landsbyen på Seil er den tidlegare gruvelandsbyen Ellenabeich, der delar av Ring of Bright Water vart filma. Ellenabeich Heritage Centre opna i 2000 og vert drive av Scottish Slate Islands Trust. Senteret ligg i eit tidlegare gruvearbeidarhus og syner livet her på 1800-talet med gruvedrift, lokalt plante- og dyreliv og geologi.^[1] Ein annan landsby er Balvicar. Det går båtsamband frå Ellenabeich til Easdale og frå Cuan på øya til Luing.