Seim kyrkje

Seim kyrkje står på Hoplandsleitet i Seim i Alver kommune i Vestland, og er ei langkyrkje bygd i tre i 1878. Arkitekt for kyrkja var Johannes Øvsthus.

Plasseringa til Seim kyrkje

Foto: B Ystebo

Seim kyrkje
kyrkje
Land	Noreg
Fylke	Vestland
Kommune	Alver
Kyrkjesamfunn	Den norske kyrkja
Bispedøme	Bjørgvin
Prosti	Nordhordland
Sokn	Seim
Fellesråd	Alver
Type	Langkyrkje
Arkitekt	Johannes Øvsthus[1]
Material	Tre
Innvigd	16. juli 1878[1]
Kyrkjegard	Ved kyrkja
Døypefont	Kum frå 1100-talet
Sitjeplassar	300[2]
Seim kyrkje 60.6168°N 5.2769°E / 60.6168; 5.2769
Wikimedia Commons: Seim kyrkje

Det har vore kyrkje i Seim sidan mellomalderen. Fyrste gongen Seimskyrkja er nemnd i kjeldene er i Bergen kalvskinn frå kring 1360. Denne kyrkja var mest truleg ei stavkyrkje som har vorte avløyst av ei tømmerkyrkje på 1600-talet. 1600-talskyrkja vart riven etter at den noverande kyrkja stod ferdig. Dagens kyrkje står kring 500 meter nordom den gamle kyrkjestaden.

Seim kyrkje er soknekyrkje i Seim sokn i Nordhordland prosti. Seim høyrde til Hamre prestegjeld til 1749. Då vart Seim saman med sokna Hosanger og Mo skilde ut som Hosanger prestegjeld. I 1885 vart Seim overført frå Hosanger til Alversund prestegjeld.^[3] Ho høyrde til Alversund prestegjeld fram til prestegjeldsordninga vart nedlagd i 2004.

Kjelder

• Seim kirke frå Norges Kirker/NIKU og KA