Semb Hovedgård

59°23′58″N 10°27′00″E

Semb Hovedgård
Land	Noreg
Semb Hovedgård 59.39944444°N 10.45°E / 59.39944444; 10.45
Wikimedia Commons: Semb hovedgård

Semb Hovedgård er ein norsk herregard som ligg ved Borrevannet i Horten kommune i Vestfold.

Garden ligg ved riksveg 19, rundt 3 km sørvest for Horten sentrum. Hovudbygningen blei bygd i 1910 med Herman Backer som arkitekt.^[1]

På den tidlegare Vestfold landbruksskole er det reist ein bauta over Jacob Sverdrup (1775–1841). Som den første landbrukslæraren i Noreg oppretta han eit «åkerdyrkingsseminar» på Semb Hovedgård i Borre i 1825.

Garden blei utvida då industrigründeren Sam Eyde kjøpte han saman med fleire naboeigedomar i 1916.

I 1990 blei Borre Golfbane etablert på eigedomen. I tillegg blei garden pussa opp og det blei bygd stutteri og nytt tennisanlegg.

I 2011 la eigaren Einar Nagell-Erichsen eigedommen på 1760 mål ut for sal til ei prisantyding på 170 millionar kroner.^[2] Han fekk gjort om garden til aksjeselskap,^[3] og la han ut for sal på nytt i juni 2020 med ei prisantyding på 95 millionar kroner.^[4]