Semulegryn

Semulegryn (òg semule eller semolina) er små gryn laga ved å grovmala kveitekjernar, særleg dei frå durumkveite.^[1] Det blir brukt til å laga grautar, puddingar, pasta, kaker og couscous.^[2] Nokre stader viser omgrepet også til gryn laga av mais og ris.^[1]

Semule

Det italienske ordet «semolina» er danna frå semolino,^[3] eit diminutiv av semola, ‘kli’, og kjem frå latin simila, ‘fint kveitemjøl’. Semolina som blir brukt til å laga den tradisjonelle pastaen blir male frå durumkveite. Mange stader i verda har ein tradisjonelt brukt semulegryn frå kveite til å laga grautar, puddingar og kaker. Semule blir òg brukt til å laga knödel i det sentraleuropeiske kjøkkenet.

Semulegryn er mellom anna del av det tradisjonelle norske kosthaldet, og eit får kjøpt det i dei fleste daglegvareforretningar i Noreg. Det blir gjerne brukt som tjukningsmiddel, og kan brukast i rettar som semulegrynsgraut, semulegrynspudding, russedessert eller rømmegraut.^[4]

Næringsinnhald

100 gram semulegryn gjev 338 kcal (1416 KJ) og inneheld om lag 12 gram protein, 66 gram karbohydrat og 2 gram feitt.