Sepikspråk

Sepikspråka er ein språkfamilie beståande av rundt 50 papuaspråk som blir snakka i Sepik-elvedalen i det nordlege Papua Ny-Guinea. Familien vart etablert av Donald Laycock i 1965. Sepikspråka har ein enkel fonologisk struktur, med få konsonantar og vokalar, og som regel ingen tonar.

`

Sepikspråk
Klassifisering:	Papuansk
Område:	Ny-Guinea
Glottolog:	sepi1257

Det mest kjende sepikspråket er Iatmül. Språka med flest talarar er abelam og boiken, med omtrent 35 000 talarar kvar.

Sepikspråka har. tilliks med Ramu-språka attmed dei, trevokalsystem, /ɨ ə a/ som berre skil mellom tre ulike vokalhøgder. Fonetiske lydverdiar [i e o u] er resultat av palaltal og labial assimilering til konsonantar før eller etter. Foley 1986 har gjort framlegg om at ndu-språka er i ferd med å redusere dette til eit tovokalsystem, der /ɨ/ er redusert til å vere ein epenthetisk vokal (Foley 1986).

Klassifisering

Sepikspråka består av to av greinene i Laycocks framlegg til ein Sepik–Ramu-språkfamilie, nemleg sepikgreina og ei gruppe språk Leonhard Schultze har gjort framlegg om at skulle haldas saman.

I slektstreet nedanfor er dei små gruppene nederst i kvar grein heilt klårt gyldige. Dei høgare nodane (øvre sepik og mellomsepik, og Sepik Hills) er mindre sikre; Foley (2005) går t.d. berre inn for dei to siste greinene.

Sepikspråk	Leonhard Schultze-språk  Waliospråk Papispråk Øvre sepikspråk  Abau Iwamspråk Yellow–Wanibe Rivers Ramspråk Yellow River-språk Amal og Kalou Midtre sepikspråk  Tamaspråk Nukumaspråk Yerakai Nduspråk Sepik Hill-språk  Sanio Hewa–Paka: Niksek (Paka, Gabiano), Piame, Hewa Bahinemospråk Alamblakspråk

Pronomen

Ross rekonstruerer følgjande pronomen for proto-sepik:^[1]