Shabana Rehman

Shabana Rehman (14. juli 1976–29. desember 2022)^[1] var ein norsk-pakistansk standupkomikar og avisspaltist.

Shabana Rehman
Statsborgarskap	Noreg
Fødd	14. juli 1976 Karachi
Død	29. desember 2022 (46 år) Oslo
Yrke	skribent, realitydeltakar
Religion	Islam
Ektefelle	Dagfinn Nordbø
Shabana Rehman på Commons

Rehman vart fødd i Karachi i Pakistan i 1976, og kom til Noreg i 1977. Ho voks opp i Oslo, og hadde ei ungdomstid prega av vald og overgrep. Rehman starta som spaltist i VG i 1996, debuterte som stand-up-komikar i 1999 og begynte som spaltist i Dagbladet i 2000.

I 2000 vart ho kjend då ho lét Dagbladet trykkje eit nakenbilete av seg, berre påmåla det norske flagget. Endå meir vart ho lagt merke til i 2004, då ho lyfta mulla Krekar på ei scena under eit debattmøte. I 2009 var ho spaltist i Aftenposten.^[2]

Shabana Rehman var kjend som Shabana Rehman Gaarder etter at ho i 2008 gifta seg med NRK-journalisten Martin Gaarder. Ho har også vore gift med komikaren Dagfinn Nordbø.^[3]

I 2022 fekk ho påvist bukspyttkjertelkreft med spreiing.^[4]

Bibliografi

• 2002: Nå, artikkelsamling
• 2004: Mullaløft, artikkelsamling
• 2009: Blåveis, sjølvbiografi

Prisar og utmerkingar

• 2001: Lions' Tulipanpris
• 2002: Fritt Ord-prisen (delt med Aslam Ahsan)
• 2006: Trykkefrihedsselskabets Trykkefrihedspris (delt med Roy W. Brown)^[5]
• 2010: Fredrikkeprisen^[6]
• 2022: Ossietzkyprisen^[7]