Shanhaiguan

Shanhaiguan (Shanhai-passet) er eit av hovudpassa i Den kinesiske muren. Det ligg i dag i ein sektor av byen Qinhuangdao i Hebei-provinsen i Folkerepublikken Kina.

Shanhaiguan
pass
Land	Kina
Provins	Hebei
Kommune	Qinhuangdao
Shanhaiguan 40.00916°N 119.75357°E / 40.00916; 119.75357
Wikimedia Commons: Great Wall of China at Shanhaiguan

Det utgjer austenden av Den kinesiske muren frå Ming-dynastiet, og er eit populært turistmål. Shanhai-passet er om lag 300 km aust for Beijing.

Den kinesiske muren møter havet

Her var i lange tider i historia den kinesiske forsvarsgrensa mot stammene i Mandsjuria (som khitanarane, jursjenarane og mandsjuane).

Namn

Namnet «Shanhaiguan» (forenkla kinesisk 山海关, tradisjonell kinesisk 山海關, mandarin-pinyin Shānhǎi Guān, Wade–Giles Shan Hai Kuan, Jyutping: saan¹ hoi² gwaan¹) tyder bokstaveleg 'fjell- og havpasset'.

Porten gjennom muren blir kalla 'Den første porten under himmelen'. Staden der muren når ned til Stillehavet (i Bohai-bukta) har fått tilnamnet 'Hovudet til den gamle draken'.