Qinhuangdao

Qinhuangdao er ein kinesisk storby og hamneby nordaust i Hebei-provinsen ved kysten mot Bo Hai-bukta i Gulehavet. Han har status som byprefektur. Byen ligg aust for Beijing og nordaust for Tianjin, med Yanshan-fjella i nord. Folketalet i byen vart i 2007 oppgjeve til 776 000, medan heile prefekturet har 2,8 millionar innbyggarar.^[1]

Den kinesiske muren møter havet i Shanhaiguan.

秦皇岛
Land Provins	Folkerepublikken Kina Hebei
Borgarmeister	Zhu Haowen
Flatevidd	7 802,93 km²
Flatevidd  • By	7812 km²
Innbyggjarar  • By (2004)    - folketettleik	2,805,400   359.1/km²
Koordinatar	39°56′N 119°36′E
Tidssone	UTC + 8 (UTC+8)
Postnummer	066000
Retningsnummer	335
Bilnummer	C
Nettstad: http://www.qhd.gov.cn/
Nettstad: qhd.gov.cn
Plassering av Qinhuangdao

Administrative einingar

Qinhuangdao består av tre bydistrikt, tre fylke og eitt autonomt fylke:

• Bydistriktet Haigang (海港区), 121 km², ca. 510 000 innbyggarar (2003)
• Bydistriktet Shanhaiguan (山海关区), 192 km², ca. 140 000 innbyggarar (2003)
• Bydistriktet Beidaihe (北戴河区), 70 km², ca. 60 000 innbyggarar (2003)
• Fylket Changli (昌黎县), 1184 km², ca. 550 000 innbyggarar (2003)
• Fylket Funing (抚宁县), 1646 km², ca. 510 000 innbyggarar (2003)
• Fylket Lulong (卢龙县), 945 km², ca. 420 000 innbyggarar (2003)
• Det autonome fylket Qinglong for mandsjuarane (青龙满族自治县), 3309 km², ca. 510 000 innbyggarar (2003)

Historie

Bynamnet tyder ordrett «Qin-keisaren si øy», og har sin bakgrunn i ein av keisarane under Qin-dynastiet (221-206 f.Kr.) som i 215 f.Kr. kom til dette området i håp om å finna piller som etter det som vart fortald skulle sikra han eit langt liv. Frå å vera ein liten fiskarlandsby har byen vakse til ein av dei strøste hamnebyane i det nordlege Kina.

Hamna vart opna for utenlandsfart i 1898. Byen er og blitt kraftig industrialisert, og den medfølgande forureininga av strendene har langt på veg teke knekken på badeturismen som og utvikla seg på 1900-talet.

Qinhuangdao har ei viktig oljehamn.

Badebyen Beidaihe ligg innan byprefekturet Qinhuangdaos grenser.