Silkefuru

Silkefuru er ein art i furuslekta innanfor furufamilien. Arten veks i fjella på Balkan i Nord-Makedonia, Montenegro, Serbia, Bulgaria, Kosovo, Albania, og på eit lite område heilt nord i Hellas.

Barnåler

Silkefuru
Silkefuru
Utbreiing og status
Status i verda: Nær truga Utbreiinga av Silkefuru
Systematikk
Rike:	Planteriket Plantae
Klasse:	Pinopsida
Orden:	Furuordenen Pinales
Familie:	Furufamilien Pinaceae
Slekt:	Furuslekta Pinus
Underslekt:	Haploxylon
Seksjon:	Strobus
Art:	Silkefuru P. peuce
Vitskapleg namn
Pinus peuce Griseb., 1846

Treet blir 30–40 meter høgt, med ein stammediameter på inntil 1,5 meter. Nålene kan bli 11 cm lange, sit i klasar på fem, og er grøne. Konglene er harde og inntil 16–20 cm lange. Dei har frø med tynne venger som blir spreidde anten med vinden eller ved hjelp av nøttekråker. Borken er fura med små skjold av borkskjel, brungrå eller mattgrå i fargen.

Arten veks i høgareliggjande strøk og toler temperaturar ned til −45 °C. Den er ein populær hage- og parkart.

I den norske Framandartslista er arten vurdert til låg risiko på grunn av avgrensa invasjonspotensial og ingen kjend økologisk effekt.^[1]