Sister av S!sters

«Sister» (norsk: syster) er ein tysk popsong frå 2019 som vert framført av duoen S!sters. Songen vann musikktevlinga Unser Lied for Israel og var det tyske bidraget i Eurovision Song Contest 2019 i Tel Aviv i Israel. Songen er skriven av Laurell Barker, Tom Oehler, Marine Kaltenbacher og Thomas Steengard.

«Sister» Song av S!ster
Land	Tyskland
Språk	Engelsk
Utgjeve	22. februar 2019
Sjanger	Pop
Lengd	03:00
Selskap	Anchor, Universal
Komponist	Laurell
Tekstforfattar	Laurell
Låtskrivar(ar)	Laurell Barker, Marine Kaltenbacher, Tom Oehler, Thomas Stengaard

S!sters framfører «Sister» under ei av prøvene i Tel Aviv i 2019.

Bakgrunn

«Sister» vart skriven av låtskrivarane Laurell Barker, Tom Oehler, Marine Kaltenbacher og Thomas Steengard under ein låtskrivarkonferanse i Sveits i 2018. Songen var tiltenkt den sveitsiske uttakinga, men han vart ikkje plukka ut til uttakinga.^[1] Songen vart i staden send til den tyske nasjonale finalen i 2019, Unser Lied for Israel. Der deltok han i tevlinga med fire andre låtar og vann ein knapp siger i tevlinga. «Sister» vart dimed det tyske bidraget til finalen i Eurovision Song Contest laurdag 18. mai 2019.^[2]

I finalen enda «Sister» nest sist, som nummer 25 av 26 bidrag. Songen fekk 24 poeng frå juryane, og 0 poeng i telefonavrøystinga.^[3][4]