Slottet i Versailles

Slottet i Versailles (fransk Château de Versailles), ofte berre kalla Versailles, er eit kongeleg slott i Versailles vest for Paris sentrum.

Slottet i Versailles
Arkitekt	Louis Le Vau, François d'Orbay, Jules Hardouin-Mansart, André Le Nôtre, Charles Le Brun, Robert de Cotte, Ange-Jacques Gabriel
Stil	nyklassisistisk arkitektur, fransk barokkarkitektur
Slottet i Versailles 48.804722222222°N 2.1202777777778°E / 48.804722222222; 2.1202777777778

Slottet i Versailles sett frå slottsplassen.

Den strengt oppbygde parken på baksida av slottet.

Det majestetiske slottet og parken rundt blei oppført av Ludvig XIV, kjend som Solkongen, for å visa fram makta si og for å flytta frå opprørske Paris.

Slottet er kjend for ei rekke historiske hendingar, som utropinga av Det tyske keisarriket i 1871 etter at Frankrike tapte den fransk-prøyssiske krigen, og Versaillestraktaten som blei utforma og underskriven her etter første verdskrigen.

Det barokke slottet i Versailles inspirerte monarkar og andre byggherrar rundt om i Europa til å oppføra liknande bygg. Det står i dag på UNESCO-lista over verdsarva.