Solsikkeolje

Solsikkeolje er ei olje ein får gjennom å pressa frøa av solsikke. Olja har nøytral lukt og smak.^[1] Ho er ei av dei vanlegaste formene av matolje, men ho blir òg nytta i kosmetikk, som smørjeolje og som brensel.

Eit glas solsikkeolje og ei solsikke.

Solsikkeolje inneheld vesentleg linolinsyre i triglyserid form. British Pharmacopoeia lister opp følgjande profil:^[2]

• Palmitinsyre : 4–9 %
• Stearinsyre : 1–7 %
• Oleinsyre : 14–40 %
• Linolinsyre : 48–74 %

Produksjon

Solsikkeoljeproduksjon i 2018
Land	(millionar tonn)
Ukraina	5,1
Russland	4,6
Argentina	1,3
Tyrkia	1,0
Ungarn	0,7
Totalt	18,4
Kjelde: FAOSTAT ved SN[3]

Ulike typar solsikkeolje til sals i ein butikk i Kyiv i Ukraina i august 2021.

I 2018 blei det produsert 18 millionar tonn solsikkeolje i verda. Dei største produsentlanda var Ukraina og Russland, som til saman stod for 53 % av den totale produksjonen.^[3]

Bruk

I matlaging

Raffinert solsikkeolje kan brukast til matlaging ved låg og særs høg temperatur. Uraffinert olje blir brukt som salatdressing i austeuropeisk mattradisjon.^[4] Olja kan òg brukast til å laga solsikkesmør.

Ved frityrsteiking av til dømes chips eller pommes frites, kan ein nytta solsikkeolje.^[5][6]

Hagebruk

I EU og Storbritannia har ein spraya solsikkeolje på tomatavlingar for å verna mot mjøldogg frå Oidium neolycopersici.^[7] Til denne bruken kan ho brukast både på økologiske og konvensjonelle gardsbruk.^[8]

Galleri

• 
  Kvinne sorterer solsikkefrø for pressing i Uganda.
• 
  Produksjon av solsikkeolje i Myanmar.
• 
  Solsikkeoljepresse i Brasil