Solveig Barstad

Solveig Margrethe Barstad (fødd 4. desember 1966) er ein norsk programleiar for TV 2.

Solveig Barstad
Statsborgarskap	Noreg
Fødd	4. desember 1966 (58 år) Førde kommune
Yrke	journalist, programleiar
Politisk parti	Høgre
Medlem av	Unge Høgre
Far	Helge Barstad
Ektefelle	Jan Tore Sanner
Born	Maria Barstad Sanner, Sigrid Barstad Sanner
Prisar	Gullrutens publikumspris
Solveig Barstad på Commons

Bakgrunn og familie

Solveig Barstad vart fødd i Førde. Ho har hovudfag i statsvitskap og grunnfag i historie og offentleg rett frå Universitetet i Oslo.

Barstad er dotter av Helge Barstad og syster av Hilde Barstad, begge Høgre-politikarar. Saman med systera var ho aktiv i Unge Høgre i 1980-åra og tok del i elitekurset til Unge Høgre i 1986.^[1] Solveig Barstad er gift med Høgre-politikaren Jan Tore Sanner.

Karriere

Solveig Barstad arbeidde tidlegare i NRK Dagsnytt og har vore journalist i NRK Sogn og Fjordane og kanalvert i NRK. Sidan 1995 har ho vore knytt til TV 2, fyrst som programleiar og redaksjonsleiar i God morgen Norge før ho i 2000 tok over som programleiar i TV 2 hjelper deg etter Arve Juritzen.^[2] Barstad har òg leidd program som Redd ferien min og Matkontrollen på TV 2.