Somos novios

«Somos Novios (It's Impossible)» er ein song opphavleg skriven og spelt inn av den meksikanske låtskrivaren Armando Manzanero i 1968.^[1] Den originale innspelinga til Manzanero vart innlemma i Latin Grammy Hall of Fame i 2001.^[2]

Somos novios Singel av Armando Manzanero frå albumet Su piano y su orquesta
Språk	spansk
Utgjeve	1968
Sjanger	Bolero
Selskap	RCA Victor
Komponist	Armando Manzanero
Tekstforfattar	Armando Manzanero
Låtskrivar(ar)	Armando Manzanero
Armando Manzanero-kronologi
«Perdóname»	Somos novios	«Aquel Señor»

It's Impossible Singel av Perry Como frå albumet It's Impossible
B-side	«Long Life, Lots of Happiness»
Språk	spansk
Utgjeve	November 1970
Sjanger	Cubansk bolero
Selskap	RCA Victor
Komponist	Armando Manzanero
Tekstforfattar	Armando Manzanero
Låtskrivar(ar)	Armando Manzanero/Sid Wayne
Produsent	Don Costa
Perry Como-kronologi
«Seattle» (1969)	It's Impossible	«I Think of You» (1971)

Somos Novios (It's Impossible) av Andrea Bocelli med Christina Aguilera frå albumet Amore
Språk	spansk
Utgjeve	Mars 2006
Sjanger	Klassisk, pop
Lengd	4:22
Selskap	Sugar Records, Opera & Blues Records, Decca Records
Komponist	Armando Manzanero
Tekstforfattar	Armando Manzanero
Låtskrivar(ar)	Armando Manzanero
Produsent	David Foster og Humberto Gatica
Andrea Bocelli med Christina Aguilera-kronologi
«Un Nuovo Giorno» (2004)	Somos Novios (It's Impossible)	«Because We Believe» (2006)
Christina Aguilera singles-kronologi
«Tilt Ya Head Back» (2004)	Somos Novios (It's Impossible)	«Ain't No Other Man» (2006)

Innspelingar

Songen vart omsett til engelsk i 1970 av Sid Wayne.^[3] Han vart først spelt inn av Perry Como same året under tittelen «It's Impossible».^[4] Songen vart ein av dei mest populære bolero-songane gjennom tidene. Utanom Como, er songen spelt inn av Elvis Presley, Andy Williams, Robert Goulet, The Three Degrees, Jerry Vale, Dennis Brown, Andrea Bocelli og Frankrikes Yip i tillegg til fleire andre.

Como-versjonen vart ein av dei største hittane hans, og i februar 1971 vart han den første songen hans som nådde toppen av Billboard Hot 100 på meir enn 12 år. Songen gjekk til topps etter òg å ha nådd toppen av Billboard Easy Listening-lista.^[5] Singelen nådde fjerdeplassen på UK Singles Chart i 1971.

Vikki Carr spelte ein versjon av songen i 1972 på The Tonight Show Starring Johnny Carson. Sergio Franchi spelte inn denne songen (på engelsk) på det siste albumet sitt, Sergio Con Amore-From My Private Collection (Gold Records, 1976).^[6]

Andrea Bocelli framførte songen som duettar med Christina Aguilera, Katharine McPhee og Rimi Natsukawa i 2006. Aguilera er med på Bocelli-albumet Amore, medan duetten med Natsukawa er bonusspor på albumutgåva i Japan.^[7][8]

Songen vart spelt inn av den italienske songaren Mina i 1988 på albumet Ridi Pagliaccio.

Tejano-gruppa Mazz spelte songen som ein del av ein medley kalla «Canciones De Amor» på albumet Para Nuestra Gente.

Julio Iglesias spelte inn songen, på engelsk, i 2006 på albumet Romantic Classics.

Luis Miguel spelte inn ein versjon av songen på albumet sott Segundo Romance, som vart produsert i lag med Manzanero. Manzanero sjølv spelte inn songen som ein duett med den puertoricanske songaren Olga Tañón i 2001 på albumet Duetos.

Clay Aiken spelte inn songen i 2010 på albumet Tried and True.

Ein versjon av songen vart brukt i slutten av ein av episodane til Netflix-serien Grace and Frankie med Jane Fonda og Lily Tomlin.

I 2016 spelte Marina Prior og Mark Vincent inn songen på albumet sitt Together.