Song for Guy

«Song for Guy» er eit nesten instrumentalt musikkstykke av Elton John. Det er den siste songen på albumet hans A Single Man frå 1978.

Song for Guy Singel av Elton John frå albumet A Single Man
B-side	«Lovesick»
Utgjeve	28. november 1978 (UK) Mars 1979 (U.S.)
Sjanger	Easy listening
Lengd	5:02 (singel) 6:34 (album)
Selskap	MCA (US/Canada) Rocket Records
Komponist	Elton John
Tekstforfattar	Elton John
Låtskrivar(ar)	Elton John
Elton John-kronologi
«Part-Time Love» (1978)	Song for Guy	«Are You Ready for Love» (1979)

Elton John sa sjølv dette om singel i plateomslaget:

«...Eg skreiv denne songen ein sundag, og såg for meg meg sjølv flyte ut i rommet og sjå ned på min eigen kropp. Eg førestilte meg sjølv døy. Med desse tankane i meg skreiv eg denne songen om døden. Dagen etter fekk eg vite at Guy (Burchett), vår 17 år gamle bodbringar, hadde omkomme i ei motorsykkelulukke dagen før. Guy døydde den dagen eg skreiv denne songen.»^[1]

Songen er bygd opp av piano, ein trommemaskin og synthesizerar. Mot slutten av songen syng Elton John «Life, isn't everything» fleire gonger.

Singelen nådde fjerdeplassen i Storbritannia. Han vart ikkje gjeven ut i USA før mars 1979 og nådde då berre 110. plass.

Medverkande

• Elton John - piano, mellotron, polymoog, synthesizer, tekst
• Ray Cooper - windchime, shaker
• Clive Franks - bass