Sons of the Silent Age

«Sons of the Silent Age» er ein song skriven av David Bowie i 1977 for albumet “Heroes”. I følgje Brian Eno var dette den einaste songen på albumet som var komponert før innspelinga kom i gang. Alle dei andre songane vart improviserte fram i Hansa by the Wall studio. Bowie sjølv indikerer at Sons of the Silent Age på eit stadium kunne ha blitt tittelen på albumet, i staden for “Heroes”.^[1]

Sons of the Silent Age Song av David Bowie frå albumet “Heroes”
Utgjeve	14. oktober 1977
Innspelt	Juli–august 1977
Sjanger	Kunstrock
Lengd	3:15
Selskap	RCA
Låtskrivar(ar)	David Bowie
Produsent	David Bowie, Tony Visconti

Biografen David Buckley merka seg «dommedagsaktige saksofon-drivne vers sett upassande ved sidan av cheesy refreng».^[2] Teksten er tolka å på ny utforske psykotisk tilbaketrekking, som Bowie hadde utforska på Low («Pacing their rooms just like a cell’s dimensions»), i tillegg til at han refererer til karakterar frå songen «The Supermen» frå 1970 («They never die they just go to sleep one day»)^[3] på albumet The Man Who Sold the World. Forfattaren Nicholas Pegg spekulerte i om linja «platforms, blank looks, no books» synte til nazi-regimet.^[4]

Andre utgjevingar

• Bowie framførte songen på Glass Spider-turneen i 1987 og opptak finst på albumet og videoen Glass Spider. På denne versjonen av songen er refrenget sungen av sologitaristen i bandet, Peter Frampton
• Songen kom ut i plateboksen Sound + Vision (1989)

Andre versjonar

• Philip Glass – “Heroes” Symphony (1996)
• Danny Michel – Loving the Alien: Danny Michel Sings the Songs of David Bowie (2004)