Soyo

Soyo er ein by i Angola.^[1] Han ligg i provinsen Zaire, i den nordvestlege delen av landet, 300 kilometer nord for hovudstaden Luanda. Soyo ligg 10 meter over havet og folketalet er 67 491.^[1] Byen er administrasjonsstad i kommunen med same namn. Kommunen fekk status som by (munípio) i 1974.^[2]

Soyo
busetnad
Land	Angola
Areal	5 572 km²
Folketal	200 920 (2014)
Soyo 6.1333333333333°S 12.366666666667°E / -6.1333333333333; 12.366666666667
Wikimedia Commons: Soyo

Historie

Då den portugisiske sjøfararen Diogo Cão i 1482 oppdaga munningen av Kongoelva tilhøyrde Soyo og fem andre provinsar Kongoriket, som var styrt av manikongoen Nzinga Nkuwu. Kongen tok godt imot Cão og følgjet hans. Nokre år seinare kom Cão tilbake med ein større delegasjon og jesuittprestar. Guvernøren av Soya og seinare manikongoen og familien hans tok imot dåpen. Kongen kalla seg João, etter den portugisiske motparten sin, og sonen kalla seg Afonso etter arveprinsen Afonso. Sønene til manikongonen blei grevar eller hertugar, og Soyo blei seinare styrt av grev Sogno.^[3]

Portugisiske handelsmenn byrja å busetja seg i Soyo og kjøpte slavar, elfenbein og koppar som dei eksporterte til São Tomé og Principe. Ein kongeleg undersøking viste i 1548 at 4000 slavar gjekk gjennom hamna ved Soyo kvart år.

Geografi

Terrenget rundt Soyo er flatt.^[4] Det finst ikkje andre større busetnader i nærleiken.

Området rundt Soyo består hovudsakleg av våtmark.^[5] Rundt Soyo er området svært tynt folkesett, med 7 innbyggjarar per kvadratkilometer.^[6]

Økonomi

På 1970-talet blei funne store oljeførekomstar i Cabinda- og Zaire-provinsen. Soyo blei eit sentrum for oljeindustrien med hamn og flyplass. På 2000-talet byrja oljeindustrien å bora offshore, og industrien og oljehamna i Soyo blei bygde ut.